Претседателот на Социјалдемократската Унија Лазар Еленовски изјави дека идејата за утврдување на минималната плата е нивна.
-Кога ја слушав изјавата на премиерот Груевски по вчерашната средба со синдикатите, помислив дека чита од нашата програма, изјави Еленовски.
Инаку премиерот Груевски вчера им вети на синдикати дека во наредниот мандат ќе биде утврдена минималната плата во Македонија.
Еленовски исто така нагласи дека е потребно формирање на Државна агенција за обезбедување, преку која би се решиле проблемите на бранителите и на професионалните војници.
