Пакет за национално помирување за Конфликтот 2001Социјалдемократската Унија смета дека единствен начин во Република Македонија да се затвори досието - Конфликт 2001 е националното помирување. Во таа насока како што го поздравивме ослободувањето на Љубе Бошковски пред две години истото сметавме да го направиме и со Јохан Тарчуловски. На ист начин, поточно со пакет за национално помирување и интегрирање, сметаме дека треба да се затворат сите останати случаи (бранители, настрадани борци на ОНА, судски процеси) поврзани со Конфликтот 2001 , со крајна цел Македонија целосно да се сврти кон својата иднина наместо постојано да се враќа во минатото.
Веруваме дека дел од Владата на РМ искрено сакаше да му помогне на Јохан но како и во многу други случаи не знаеше како тоа да го направи. Тоа незнаење за жал ќе доведе до натамошно заострување на меѓуетничките односи во Македонија со секое наредно отворање на случаите поврзани со Конфликтот 2001.
