Судот во Скопје, ги прогласи за виновни пратениците Радмила Шеќеринска, Горан Минчев и Горан Мисовски и им изрече казна - опомена за навреда.
Тие се осудени во процесот што против нив го поведе лидерот на Социјалдемоктратската Унија и поранешниот министер за одбрана Лазар Еленовски.
Еленовски изјави дека е задоволен од судската разврска, бидејќи, со правни средства ,ја докажал вината на обвинетите, за кои и судот утврдил дека го направиле кривичното дело.
Лазар Еленовски во тужбеното барање за овој судски процес, побаруваше 5 милиони денари за оштета, што ќе биде предмет на дополнителна парнична постапка.
Еленоски ги тужеше тројцата пратеници, поранешни високи фуинкционери на СДСМ и НСДП, дека неовластено, во кампањата за парламентарните избори минатата година, користеле снимка и истргант дел од негов говор на седница на Централниот одбор на НСДП.
Како сведок во судската постапка беше испрашан и лидерот на НСДП Тито Петковски.
